У свежым інтэрв'ю T Magazine Сігурні Уівер распавяла, што падчас здымак «Аватара 2» яна выпрабавала сур'ёзныя цяжкасці, калі ёй даводзілася працаваць пад вадой. Нягледзячы на гэта, 71-гадовая акторка не давала сабе патурання і выкладалася на ўсе сто:
У мяне былі некаторыя асцярогі. Але менавіта для гэтага патрэбныя трэніроўкі. Да таго ж я вельмі хацела зрабіць усё сама. Я не хачу, каб нехта падумаў: «О, яна ўжо старая, ёй гэта не па сілах».
Уівер не мае права раскрываць якія-небудзь дэталі адносна сюжэту «Аватара 2», але акторка распавяла, што яна займалася дайвінгам на Гаваях і ў Кі-Уэст, штат Фларыда, навучыўшыся затрымліваць дыханне на шэсць хвілін. Падчас гэтых трэніровак у Уівер быў доступ да дадатковага кіслароду. Да таго ж яна займалася пад кіраўніцтвам трэнера, які навучае ваенных вадалазаў.
Калі ж справа дайшла да здымак, Уівер даводзілася ныраць у велізарны рэзервуар з грузам вакол таліі. Да гэтага акторка дадала, што падчас падводных дубляў ёй і іншым акцёрам трэба было строга кантраляваць сваю міміку.
У расійскі пракат «Аватар 2» павінен выйсьці 15 снежня 2022 года.