Фільм «Дастаць нажы», які выйшаў мінулай восенню і намінаваны на «Оскар», са сваім зорным складам і унікальным падыходам да жанру маментальна стаў культавым. Усяго праз некалькі месяцаў пасля прэм'еры з'явілася інфармацыя, што карціна атрымае працяг. І магчымасць зрабіць усё, што хочацца, стала праблемай для сцэнарыста і рэжысёра Райана Джонсана. У нядаўнім інтэрв'ю, якое ён даў свайму калегу Антоніо Кампас для выдання Interview Magazine, Джонсан распавёў:
Я сапраўды пішу новыя «Дастаць нажы». І пакуль няма чым пахваліцца. Бо над першым фільмам я разважаў дзесяцігоддзе, а зараз трэба пачынаць з чыстага ліста. Гэта не зусім працяг «Дастаць нажы», таму мне калісьці прыйдзецца задумацца над назвай для фільма, каб не прыйшлося называць яго «Дастаць нажы 2». З першага фільма ў другой пяройдзе толькі Дэніэл Крэйг у ролі дэтэктыва, увесь астатні акцёрскі склад будзе новым.
Так што я стараюся не думаць пра гэта як пра працяг. З таго часу, як я пачаў працу, я думаю, што гэта як у Агаты Крысці з кучай раманаў пра Эркюля Пуаро. Я маю на ўвазе, што ў нас ёсць той жа дэтэктыў Бенуа Блан, але іншыя загадкі. Зусім новы акцёрскі склад, зусім новае месца, зусім новае злачынства. З гэтым можна зрабіць так шмат розных рэчаў. Разумееце?