Студыя Warner Bros. прыняла рашэнне з-за пандэміі коронавируса перанесці даты прэм'ер некаторых сваіх праектаў. Кіраўнік студыі Тобі Эммеріх выступіў з заявай:
«Цуда-жанчыну: 1984» мы запускалі з намерам паказаць фільм на вялікім экране. З радасцю паведамляем, што студыя Warner Bros. прыняла рашэнне пачаць паказ карціны ў кінатэатрах 14 жніўня. Спадзяемся, што да таго часу свет стане больш бяспечным і здаровым.
Адначасова стала вядома, што фільм Крыстафера Нолана «Довад» будзе паказаны, як і было запланавана раней, 17 ліпеня. Можна меркаваць, што тут рэжысёр аказаў ціск на кінастудыю. Прычына ніколі не паведамлялася, але большая частка фільмаў Нолана атрымлівала прэм'ерны паказ у сярэдзіне ліпеня.
У той жа час хорар Джэймса Вана «Злое», чый дзень прэм'еры заняла «Цуд-жанчына: 1984», пераехаў з паказам на больш познюю дату. Пакуль новая дата прэм'еры не паведамлялася. Таксама на нявызначаны тэрмін перанесены мультфільм «Скубі-Ду», які павінен быў выйсьці 15 траўня, і мюзікл Лін-Мануэля Міранды «На вышыні», запланаваны да паказу з 26 чэрвеня.