У інтэрв'ю Sunday Times акторка Вайнона Райдэр падзялілася непрыемным успамінам пра сваю працу ў кіно. На здымках фільма «Дракула Брэма Стокера» у сцэне ператварэння Дракулы ў выкананні Гэры Олдмана ў зграю пацукоў актрыса павінна была адлюстраваць істэрыку. Рэжысёр стужкі Фрэнсіс Форд Копала вырашыў, што рэакцыя Райдэр будзе больш натуральнай, калі ён давядзе яе да сапраўднай істэрыкі, таму пачаў крычаць на яе і абражаць. Ён спрабаваў прымусіць рабіць гэта і партнёраў Вайноны па фільме:
Я павінна была плакаць. Фрэнсіс спрабаваў прымусіць усіх гарлапаніць тое, што вывела б мяне з раўнавагі. Рычарда Гранта, Энтані Хопкінса, Кіану Рыўза. Але Кіану адмовіўся мяне абзываць, Энтані адмовіўся. Гэта проста не спрацавала. Я плакала ў кадры па-сапраўднаму? Не, я і без гэтага змагла згуляць сцэну.
Фільм «Дракула Брэма Стокера» заваяваў тры прэміі «Оскар» і сабраў у пракаце больш за 215 мільёнаў долараў пры бюджэце 40 мільёнаў.
У тым жа інтэрв'ю Sunday Times актрыса распавяла, што калі Кіану Рыўз - самы лепшы чалавек у Галівудзе, то горшым з'яўляецца Мел Гібсан. Падчас адной з вечарынак п'яны Гібсан, даведаўшыся, што Райдэр - габрэйка, пачаў жартаваць пра Халакост.