Серыял «Лепш тэлефануйце Солу», які з'яўляецца прыквелам да «Ва ўсе цяжкія», неўзабаве атрымае свой шосты і заключны сезон. У гэтай сувязі шоураннер Пітэр Гулд паведаміў, што маючы адбыцца сезон пралье новае святло на некаторых даўно вядомых персанажаў. У інтэрв'ю The Hollywood Reporter Гулд патлумачыў, што канцоўка прыквэла заахвоціць гледачоў інакш зірнуць на арыгінальны серыял:
Думаю, да таго часу, калі вы скончыце глядзець «Лепш тэлефануйце Солу», «Ва ўсе цяжкія» паўстане перад вамі ў зусім іншым святле. Думаю, мы даведаемся пра герояў «Ва ўсе цяжкія» шмат новага. Гэтыя веды нададуць «Ва ўсе цяжкія» новае вымярэнне, якое дагэтуль было не раскрытае. Мы даведаемся лёсы многіх персанажаў - гэта можа стаць альбо сюрпрызам, альбо надаць гэтым героям новую афарбоўку.
Да гэтага Гулд дадаў, што звядзенне разам двух праектаў стала для яго і яго паплечнікаў няпростай задачай. Шоураннер параўнаў гэта з спробай сабраць «кубік Рубіка, створаны самім д'яблам». Нягледзячы на ўсе цяжкасці, Гулд запэўнівае, што сцэнарысты прыкладаюць усе намаганні, каб прыквел і арыгінал ідэальна спалучаліся адзін з адным. Дата прэм'еры шостага сезону «Лепш тэлефануйце Солу» пакуль не анансаваная.