Жонка Джона Траволты, 57-гадовая Келі Прэстан, памерла ў нядзелю ўначы. 66-гадовы Джон паведаміў пра гэта на сваёй старонцы ў Instagram раніцай панядзелка. Кэлі два гады змагалася з ракам грудзей.
З вельмі цяжкім сэрцам я паведамляю вам, што мая цудоўная жонка Кэлі прайграла сваю двухгадовую бітву з ракам малочнай залозы. Яна вяла мужную барацьбу пры падтрымцы і любові столькіх людзей. Мая сям'я і я заўсёды будзем удзячныя лекарам і медсёстрам ў анкалагічным цэнтры доктара Андерсона, усім медыцынскім цэнтрам, якія дапамаглі ёй, а таксама шматлікім сябрам і блізкім, якія былі побач з ёй.
Любоў і жыццё Кэлі назаўсёды застануцца ў памяці. Зараз я буду са сваімі дзецьмі, якія страцілі маці, так што загадзя прабачце мяне, калі нейкі час ад нас нічога не будзе. Але, калі ласка, ведайце, што я буду адчуваць вашу любоў і падтрымку гэтыя тыдні і месяцы, пакуль мы будзем ацаляцца. З любоўю, JT,
- напісаў Траволта.
Джон і Кэлі пажаніліся ў 1991 годзе. У іх засталіся двое дзяцей - 20-гадовая Эла і дзевяцігадовы Бенджамін. Іх сын Джетта памёр 16-гадовым яшчэ ў 2009 годзе ў выніку эпілептычнага прыпадку, выкліканага сіндромам Кавасакі.