Часопіс TMZ паведаміў, што 30-гадовы акцёр Грэгары Тайра Бойс і яго ўмілаваная Наталі былі знойдзеныя мёртвымі ў сваёй кватэры ў Лас-Вегасе. Паведамляецца, што пара пайшла з жыцця яшчэ 13 траўня. Прычына смерці пакуль невядомая, але вядзецца хіміка-таксікалагічная экспертыза. Паводле інфармацыі TMZ, у доме побач з целамі быў выяўлены «нейкі белы парашок». Выданне E! Online атрымала інфармацыю ад інсайдэра, згодна з якой цела Грега і Наталі выявіў стрыечны брат акцёра, калі прыйшоў да яго ў дом.
Сям'я і блізкія Грэгары смуткуюць пра страту.
Ён быў добрым і адказным чалавекам. Ён заўсёды ставіў іншых на першае месца. Ён быў святлом у нашым жыцці,
- прыводзяцца словы сваякоў акцёра. Мама Грэгары таксама выказалася ў сябе ў Facebook:
Апошні раз я бачылася з табой у панядзелак, 11 мая. Я прыйшла да цябе даесці стравы, якія засталіся з Дня маці. Мы глядзелі шоу Дэйва Шапелла. Потым ты праводзіў мяне да машыны, абняў, пацалаваў у шчаку, сказаў, што любіш мяне, і папрасіў патэлефанаваць, калі я даеду да дома. Вось і ўсё.
Ролю Тайлера у «Змярканнi» - адзіная роля Грэгары на вялікім экране. Яго герой ледзь не задушыў Бэлу сваім фургонам, але Эдвард выратаваў яе.