У сіквеле знакамітай камедыі маленькі Кевін на свята Божага Нараджэння аказваецца ў Нью-Ёрку, пакуль яго бацькі адпачываюць у Маямі. У адной сцэне Кевін заблудзіўся ў гатэлі Plaza, а затым сустрэў Дональда Трампа - у той час ўладальніка гатэля - і спытаўся ў яго, як выйсці ў лобі. Калі CBC паказвала «Адзін дома 2» у святочны сезон, гэтай сцэны ў фільме не было.
Сын Трампа, Дональд Трамп-малодшы, назваў выдаленне сцэны з бацькам «вартым жалю» і адзначыў, што гэта было «палітычна матываваным». Сам Трамп паставіўся да гэтага з іроніяй.
Падобна на тое, Джасціну Трюдо не падабаецца, што я прымушаю яго плаціць за сяброўства ў НАТА і гандаль,
- аджартаваўся палітык. І пазней дадаў, што без гэтай сцэны «фільм ужо ніколі не будзе ранейшым».
The movie will never be the same! (Just kidding) https://t.co/FogquK1ei7
- Donald J. Trump (@realDonaldTrump) December 27, 2019
Кіраўнік CBC па сувязях з грамадскасцю Чак Томпсан удакладніў у Twitter, што выдаленне сцэны не было палітычна матываваным. Паводле яго слоў, фільм быў адрэдагаваны яшчэ ў 2014 годзе, за два гады да абрання Трампа.
Такое часта адбываецца з фільмамі, адаптаванымі для тэлебачання. Сцэна з Трампам была адной з тых, што ніяк не ўплывалі на сюжэт. Гэтыя змены былі зроблены яшчэ ў 2014 годзе,
- напісаў Томпсан.