Прычынай судовага зыску стала адмова Эмбер Херд здымацца ў адкрытых сцэнах ў фільме «Лонданскія поля». Як сцвярджаюць аўтары пазову, прадзюсары карціны Крыс Хэнлі і Джордан Гертнер, Эмбер Херд чытала сцэнар, разумела ўсю сутнасць сваёй ролі і выдатна ўсведамляла, што ў фільме ёсць і «непрыстойнасці, правакацыі і аголеныя сцэны з яе ўдзелам».
Аднак, як заяўляюць прадзюсары, актрыса наўмысна пазбягала здымак у аголеных сцэнах і падгаварыла рэжысёра карціны Мэцью Каллен прыбраць з сцэнара найбольш адкрытыя моманты. Цяпер Эмбер Херд абвінавачваецца ў невыкананьні ўмоваў кантракту і, калі рашэнне суда апынецца не ў яе карысць, вымушана будзе выплаціць стваральнікам «Лонданскіх палёў» 10 мільёнаў даляраў. Сама акторка цяпер занятая на здымках «Лігі справядлівасці» і пакуль ніяк не каментуе чарговы судовы скандал.
«Лонданскія поля» - экранізацыя аднайменнага рамана Марцін Эміс. Стужка правалілася на міжнародным кінафестывалі ў Таронта. Пасля прэм'еры Каллен абвінаваціў Хэнлі і Гертнера ў махлярстве. Выхад фільма ў пракат быў адменены, а паспеўшыя паглядзець карціну крытыкі напісалі пра яе негатыўныя водгукі.